بھارتی ریاست حیدرآباد میں ایک خاتون نے بوائے فرینڈ کو گھر بلانے پر اپنی 19 سالہ بیٹی کو قتل کر دیا۔
بھارتی میڈیا کے مطابق پولیس کا کہنا ہے کہ لڑکی کی ماں جنگمما نے اپنی بیٹی بھارگوی کو اس کے بوائے فرینڈ کے ساتھ اس وقت پکڑا جب گھر میں کوئی اور موجود نہیں تھا۔
پولیس کے مطابق یہ دیکھ کر جنگمما نے اپنی بیٹی کے بوائے فرینڈ کو گھر سے نکالنے کے بعد مبینہ طور پر لڑکی کا گلا گھونٹ دیا۔لڑکی کے نابالغ بھائی نے اپنی ماں کو کھڑکی سے بہن پر حملہ کرتے دیکھا تھا جس نے اپنی والدہ کے خلاف ایف آئی آر درج کرادی ہے۔
