قومی کرکٹ ٹیم کے کپتان شاداب خان نے کہا ہے کہ نوجوان کھلاڑی انٹر نیشنل کرکٹ پہلی بار کھیل رہے ہیں ، ان کی گھبراہٹ کی وجہ سے شکست ہوئی لیکن ہمیں پتہ ہے کہ ینگ کرکٹر ز میں بہت ٹیلنٹ ہے اور ہم انہیں سپورٹ کرتے رہیں گے ۔
۔میچ کے بعد گفتگو کرتے ہوئے ان کا کہنا تھا کہ ٹی ٹوئنٹی کرکٹ سٹیٹس کی گیم ہے ، ہمارا آغاز ٹھیک نہ تھا ، اگر پاور پلے میں 3 وکٹیں گر جائیں تو 70 فیصد میچ ہار جاتے ہیں۔قومی ٹیم کے کپتان نے کہا کہ کرکٹ میں ہار جیت گیم کا حصہ ہے ، نئے کھلاڑیوں کو سمجھنا چاہیے کہ اگر وہ آج پر فارم نہیں کر سکے تو کل وہ اچھا کھیلیں گے ، اپنے آپ کو پازیٹو رکھیں ۔
