اسلام آباد (ڈیلی پاکستان آن لائن) وفاقی وزیر داخلہ رانا ثنا اللہ نے کہا ہے کہ 9 مئی کے واقعات میں ہمسایہ ملک کی
ایجنسی بھی ملوث تھی۔
جیو نیوز سے گفتگو کرتے ہوئے رانا ثنا اللہ کا کہنا تھا کہ ہمسایہ ملک کے علاوہ ایک اور طاقتور ملک کی ایجنسیاں بھی اس سارے واقعے میں ملوث تھیں ، یہ وہی ملک ہے جو ماضی میں کچھ دیگر ممالک میں بھی انتشار پھیلا چکا ہے لیکن بین الاقوامی تعلقات کی وجہ سے میں اس ملک کا نام نہیں لے سکتا۔
انہوں نے کہا کہ ’’ عمران خان اور ہمارے میں سے ایک کا وجود بچے گا ‘‘ والی بات عمران خان کی تیاری اور لب و لہجے کو دیکھتے ہوئے کہی تھی، میں بیت پہلے ہی سمجھ گیا تھا کہ عمران خان ایک فتنہ اور انتشار پھیلانے والا شخص ہے ، اس شخص کی انا ہی اس کا وجود ختم کردے گی اور آج میری بات سچ ثابت ہو رہی ہے، عمران خان کا سیاسی وجود ختم ہوگیا ہے۔
