قومی اسمبلی میں وزیراعظم شہباز شریف کے خطاب کے دوران اپوزیشن کے ‘گو نواز گو’ کے نعروں کے جواب میں حکومتی بینچوں سے بھی نعرے بلند کئے گئے۔
شہباز شریف وزیراعظم منتخب ہوئے تو ایوان میں مچھلی منڈی کا ماحول رہا، وزیراعظم کے خطاب کے دوران سنی اتحاد کونسل اراکین کے مخالفانہ نعرے مسلسل گونجتے رہے، ان کی طرف سے’ گو نواز گو’ نعرے لگائے گئے تو پھر حکومتی بینچوں کی جانب سے ‘گو نیازی گو’ کے جوابی نعرے لگائے گئے۔
حکومتی اراکین نے وزیراعظم شہباز شریف کی حوصلہ افزائی کیلئے ‘دیکھو دیکھو کون آیا، شیر آیا شیر آیا’ کے نعرے بھی بلند کئے۔
