جمیعت علماء اسلام نے جمعرات کے روز ہونے والے قومی اسمبلی اجلاس میں شرکت کا فیصلہ کیا ہے۔
تفصیلات کے مطابق مولانافضل الرحمان کی زیر صدارت جے یو آئی کا اجلاس ہوا، جس میں مولاناعبد الغفور حیدری، اسلم غوری، حافظ حمداللہ ،عثمان بادینی، مولانا سمیع الدین اور نورعالم خان نے شرکت کی۔ترجمان جے یو آئی کے مطابق جے یو آئی کور کمیٹی اجلاس میں کل کے نیشنل اسمبلی اجلاس میں شرکت کا فیصلہ کیا گیا ہے، اجلاس میں اسمبلی اجلاس کے حوالے سے حکمت عملی طے کی گئی۔
