بالی ووڈ کے معروف سینئراداکار سنی دیول کا کہنا تھا کہ “ہمیں سیما اور انجوجیسے جذبات رکھنے والوں کے انتخاب کا احترام کرنا چاہیے۔”تفصیلات کے مطابق ایک انٹرویو میں اداکار سنی دیول سے سوال کیا گیا کہ “پاکستان کی رہائشی سیما حیدر اپنے عاشق سے شادی کرنے کے لیے بھارت آئی تھی، اوربھارتی سرحد پار کرنے والی انجو جوپاکستانی دوست کے ساتھ ہے ان کے بارے میں کیا کہیں گے؟”انہوں نے کہا کہ” آج کل ٹیکنالوجی ایپس لوگوں کو ملنے میں سہولت فراہم کرتی ہے، ایک بار جب وہ ایک دوسرے کے لئے جذبات پیدا کرتے ہیں، تو وہ قدرتی طور پر ملنا اور ساتھ رہنا چاہتے ہیں، ایسے معاملات پر تنقید کرنے یا اپنے بارے میں سوچنے کے بجائےہمیں ان کے انتخاب کا احترام کرنا چاہیے، کیونکہ یہ ان کی ذاتی زندگی ہے،یہ صحیح ہے یا غلط اس کا فیصلہ انہیں کرنا ہے۔”
