پنجاب فلم سنسر بورڈ نے ہالی ووڈ فلم ’’باربی‘‘ کو سنیما گھروں میں نمائش کیلئےکلیئر کر دیا۔اس حوالے سے نگران وزیر اطلاعات پنجاب عامر میر کا کہنا ہے کہ بورڈ نے فلم کے قابل اعتراض حصے سنسر کرنے کے بعد اسے نمائش کیلئے کلیئر کیا۔ان کا کہنا تھا کہ فلم جلد پنجاب کے سنیما گھروں میں ریلیز کر دی جائے گی۔عامر میر نے بتایا کہ’’باربی‘‘ فلم کو قابل اعتراض مواد کے باعث روک کر سنسر بورڈ کے فل بورڈ کے پاس جائزے کیلئے بھیجا گیا تھا۔ فلم کو نگران وزیراعلیٰ پنجاب کی ہدایات پر فل بورڈ نے ریویو کیا، فلم کا ریویو سیشن چیئرمین سنسر بورڈ توقیر ناصر سمیت تمام ممبرز نے دیکھا۔
