سابق وزیر اعظم عمران خان نے ٹوئٹ کیا کہ ”پی ڈی ایم اور کرپشن کے پیسے پر پلنے والی ایک بگڑی خاتون مریم کے سپریم کورٹ کے ججز پر شرمناک اور سوچے سمجھے حملوں کا واحد ہدف انتخابات سے فرار ہے، اگرچہ یہ آئین کو روند کر ہی حاصل ہو۔سپریم کورٹ آف پاکستان پرحملوں سے یہ گروہ پاکستان میں جنگل کاقانون رائج کرنے کےساتھ وفاق کوشدید نقصان پہنچا رہاہے“
اس ٹوئٹ کا جواب دیتے ہوئے مریم نواز نے عمران خان کو سازشوں کا بادشاہ قرار دے دیا ،
عمران خان کے ٹوئٹ کا جواب دیتے ہوئے مریم نواز نے کہا کہ آپ کی چیخیں غلط نہیں کیوں کہ آپ اپنے گاڈ فادر فیض اور ان کی باقیات کی مدد سے سازشوں کے بادشاہ ہیں۔ فیض اور ان کی باقیات کی سازشوں پر پھلتے پھولتے اور زندہ رہتے ہیں، عمران خان اب آپ دیکھیں گے کہ “بگڑی ہوئی شہزادی” آپ کو کیسے مات دیتی ہے، آپ جیسے گاڈسن اور پیادے غیر متعلقہ ہو جائیں گے۔
ایک اور ٹوئٹ میں مریم نواز نے کہا آپ کا “چور ڈاکو” کا بیانیہ منہ کے بل گر چکا، آپ 190 ملین پاونڈ (58 ارب) کی چوری کرتے ہوئے رنگے ہاتھوں پکڑے گئے، اس کے علاوہ بیوی کے زیورات، توشہ خانہ کی ڈکیتی، رشوت میں 5 کیرٹ ہیرے کی انگوٹھی وصول کرنے والے پہلے کرپٹ وزیر اعظم ہیں۔
مریم نواز نے مزید کہا کہ حقیقت یہ ہے کہ آپ عدالتوں سے فرار اختیار کر رہے ہیں، التواءکی بھیک مانگ رہے ہیں جو کہ آپ کے مجرم ہونے کا واضح اعتراف ہے ۔
