پاکستان کو مطلوب قتل کا ملزم سعودی عرب سے گرفتار

ایف آئی اے انٹرپول پاکستان نے کارروائی کرتے ہوئے قتل کے مقدمے میں مطلوب ملزم کو سعودی عرب کے دارالحکومت ریاض سے گرفتار کرکے گوجرانوالہ پولیس کے حوالے کر دیا۔ترجمان ایف آئی اے کے مطابق اشتہاری ملزم زاہد اقبال پنجاب پولیس کو مطلوب تھا جسے ریاض سے گرفتار کرکے پہلے اسلام آباد منتقل کیا گیا اور ضروری کارروائی کے بعد ایف آئی اے امیگریشن نے زاہد کو گوجرانوالہ پولیس کے حوالے کردیا۔ زاہد اقبال کیخلاف قتل کی دفعات کے تحت مقدمہ درج تھا، ایف آئی اے انٹرپول پاکستان نے ملزم کی گرفتاری کیلئے ریڈ نوٹس جاری کیا تھا۔

اپنا تبصرہ بھیجیں