سابق وفاقی وزیر اور تحریک انصاف کے رہنما حماد اظہر کا کہنا ہے کہ تحریک انصاف کی جانب سے کارکنوں کو کوئی کال نہیں دی گئی ، کارکنان کا سمندر خود سے عدالت کے باہر جمع ہوا ۔
لاہور ہائیکورٹ کے باہر خطاب کرتے ہوئے حماد اظہر کا کہنا تھا کہ عمران خان آئین و قانون کی بالادستی کے لیے جدوجہد کررہے ہیں ، یہ ملک آپ کا اور میرا ہے ، مریم نواز اور بلاول بھٹو کا نہیں ۔
اس موقع پر رہنما تحریک انصاف فواد چوہدری کا کہنا تھا کہ تحریک انصاف کی جدوجہد 25مئی سے جاری ہیں،اس دوران کارکنوں نے ظلم و ستم برداشت کیا ۔ انہوں نے کہا کہ صدرعارف علوی نے چوروں کے بھاگنے کا راستہ بند کردیا ہے ۔ پاکستان کا آئین کہتا ہے کہ الیکشن کراﺅ تو الیکشن کرواﺅ ۔