ٹک ٹاک بناتے ہوئے گولی چلنے سے نوجوا ن جاں بحق، دوستوں نے لاش زمین میں دبا دی

مظفر آباد میں 3 ماہ بعدلاپتہ ہونے والے نوجوان کی لاش برآمد کرکے 3 ملزمان کو گرفتارکرلیا گیا۔ملتان کے علاقے مظفر آباد میں 3 ماہ قبل سہیل نامی ایک نوجوان لاپتہ ہوگیا تھا، پولیس نے اس کے اغوا کا مقدمہ درج کرکے تفتیش شروع کردی تھی۔پولیس کے مطابق گزشتہ روز مقتول کے تین دوستوں کو  حراست میں لیا تو انہوں نے انکشاف کیا کہ  ٹک ٹاک بناتے ہوئے اتفاقیہ طور  پرگولی چل جانے سے سہیل کی موت واقع ہوگئی اور  انہوں نے خوف کے باعث اس کی لاش ایک خالی گراؤنڈ میں زمین کھودکر دبا دی۔